కేంద్ర మంత్రి అమిత్ షా తెలంగాణ పర్యటన వాయిదా పడింది. భారీ వర్షాల కారణంతో హైదరాబాద్ పర్యటనను కేంద్ర హోం మంత్రి అమిత్ షా వాయిదా వేసుకున్నారు. ఈ మేరకు పార్టీ కార్యాలయం ఒక ప్రకటనలో తెలిపింది. అమిత్ షా తిరిగి ఎప్పుడు హైదరాబాద్ పర్యటించేది త్వరలో తెలియజేస్తామని పార్టీ కార్యాలయం ఒక ప్రకటనలో తెలిపింది.
పార్టీ కమిటీలతో….
వాస్తవానికి ఈ నెల 29వ తేదీన కేంద్ర హోంమంత్రి అమిత్ షా హైదరాబాద్ కు రావాల్సి ఉంది. ఆయన ఎన్నికల కమిటీలతో సమావేశమై రానున్న ఎన్నికల్లో అనుసరించాల్సిన వ్యూహాలను నిర్దేశించాల్సి ఉంది. ఈ మేరకు పార్టీ రాష్ట్ర కార్యాలయం అన్ని ఏర్పాట్లు చేసింది. అయితే భారీ వర్షాల కారణంగా ఆయన తన పర్యటనను వాయిదా వేసుకున్నట్లు పార్టీ వర్గాలు వెల్లడించాయి.
